काठमाडौं । त्रिभुवन अन्तराष्ट्रिय विमनस्थलबाट चितवनको भरतपुर उड्ने तयारीमा रहेको बुद्ध एयरको हवाईजहाजमा प्राविधिक समस्या देखिएको छ ।
आज बिहान ७ः २० बजे भरतपुर जान लागेको बुद्धको नाइन एन–एआईटी जहाज ट्याक्सी वे ‘इको’मा पुगेको थियो । त्यहाँ ‘ह्विल लक’को समस्या देखिएपछि यात्रुहरुलाई ओरालिएको त्रिभुवन अन्तर्राष्ट्रिय विमानस्थलका जनरल म्यानेजर जगन्नाथ निरौलाले जानकारी दिए ।
उक्त जहालले गर्दा अन्य जहाज उडानमा समस्या देखिएको छ । अवतरणमा समस्या नभए पनि आन्तरिक उडानका जहाजहरु उड्न ढिला भइरहेको निरौलाले बताए ।
