काठमाडौं । आइतबार राति करिब साढे ८ बजे रुद्रमतीमा खसेको ट्याक्सी आज यूएन पार्कअगाडि भेटिएको छ । हिजो काठमाडौं महानगरपालिका–२९ मदन भण्डारी कलेजअगाडि रुद्रमतीमा खसेर बा. २. ज. १७९२ नं. को ट्याक्सी बेपत्ता भएको थियो ।
सशस्त्र प्रहरी बल नेपाल नं. २० विपद् उद्धार गणबाट २ जना गोताखोरसहित खटिएको ११ जनाको टोलीले आज बिहान काठमाडौं महानगरपालिका–११, थापाथलीस्थित यूएन पार्कअगाडि उक्त ट्याक्सी फेला पारेको हो ।
थापाथलीस्थित युनएन पार्कबाट गोताखोरको सहयोगमा ट्याक्सी निकालिएको सशस्त्र प्रहरीका सहप्रवक्ता (डीएसपी) शैलेन्द्र थापाले जानकारी दिए । ट्याक्सी चालक ३३ वर्षीय उर्गेन लामालाई घटना भएको केहि मिनेटमै प्रहरीले उद्धार गरेको थियो ।
