Logo
Logo

संसद्को अंकगणित हेरेर मात्र संविधान संशोधन हुँदैन : प्रधानमन्त्री (पूर्णपाठ)


252
Shares

काठमाडौं । प्रधानमन्त्री केपी शर्मा ओलीले संसद्को अंक गणितलाई मात्र हेरेर संविधान संशोधनको प्रक्रिया अघि नबढ्ने बताएका छन् । संविधान दिवसको अवसरमा आज सैनिक मञ्च टुँडिखेलमा आयोजित विशेष समारोहलाई सम्बोधन गर्दै प्रधानमन्त्री ओलीले देशको अप्ठ्यारा परिस्थितिलाई चिर्न नै संविधान संसोधन गरिने र यसमा सबै दल र समुदायको सहभागिता आवश्यक रहने बताए ।

‘जनतामा देखिएको चरम निराशालाई कम गर्न बाहेक यो सरकारको अरु ध्यान हुँदैन । संविधानलाई जीवन्त बनाउने बाहेक यो सरकारले अरु कुरा सोच्दैन,’ उनले भने, ‘म विश्वास दिलाउन चाहन्छु, संशोधन प्रक्रियामा हामीले संसदको गणितीय संख्या मात्र हेर्ने छैनौं । सरकारमा रहेका पार्टीहरूको मात्र होइन, सकेसम्म सबै दलको सहमति प्राप्त गर्ने अधिकतम प्रयास गरिने छ ।’

त्यस्तै अशिष्टहरूले अराजकता मच्चाउन मौका पाए नेपाल पुस्तौँपछि पर्ने भन्दै उनले युवाहरुलाई सचेत गराउन आग्रह गरे ।
‘तपाईंहरूभित्र केही गरौँ भन्ने जुन आगो बलिरहेको छ, त्यसलाई समाजमा आगो लगाउँछु भन्नेहरूवाट बचाउनु होला । तपाईंहरूमा केही गरौँ भन्ने जुन हुटहुटी छ, त्यसलाई समाजमा हुलमुल गराउन खोज्नेहरूबाट जोगाउनु होला,’ उनले भने, ‘समाजमा थिति बस्यो, समाज सभ्य भयो, अशिष्टहरूले मिच्न पाएनन् भने विकास त हामी गर्छौं । सुशासन कायम त हामी गर्छौं । तर, देश भाँडियो भने अशिष्टहरूले अराजकता मच्चाउन अलिकति मात्र मौका पाए भने हामी पुस्तौँपुस्ता पछि पर्नेछौँ ।’

दृष्टि न्युज

तपाईंको दृष्टिकोण

यस समाचारमा आफ्नो प्रतिक्रिया दिनुहोस्

प्रतिक्रिया लेख्नुहोस्

तपाईंको इमेल सार्वजनिक गरिने छैन । प्रतिक्रिया स्वीकृत भएपछि मात्र देखिन्छ ।

0 / 2000