काठमाडौँ । जनता समाजवादी पार्टी (जसपा) नेपालका अध्यक्ष उपेन्द्र यादव कतार भ्रमणका लागि आज प्रस्थान गरेका छन् ।
नेपाली समाज कतार, मधेस प्रदेश समन्यव परिषद् कतार तथा उक्त परिषद् अन्तर्गत कतारमा रहेका विभिन्न संघ संस्थाले आयोजना गर्ने होली महोत्सव, रमादान पर्व, शुभकामना अदान प्रदान कार्यक्रममा भाग लिनका लागि उनी कतार प्रस्थान गरेका हुन् । मधेस प्रदेश समन्वय समिति कतारको चौथो स्थापना दिवस पनि त्यहाँ रहेको छ ।
उक्त कार्यक्रममा पनि उनी सहभागी हुने बताइएको छ । एयर इन्डियाको विमानबाट भारतको नयाँ दिल्ली हुँदै कतार प्रस्थान गरेका हुन् । फागुन १२ गते दुबई हुँदै साँझ हिमालय एयरलाइन्सको विमानबाट स्वदेश फर्किने कार्यक्रम रहेको सचिवालयले जनाएको छ ।
