काठमाडौं । त्रिभुवन अन्तराष्ट्रिय विमानस्थलबाट पौने ४ किलो सुनसहित ४ जना पक्राउ परेका छन् । गएराति फ्लाइ दुवईको उडानमार्फत आएका ३ महिला र एक जना पुरुष चेकजाँचका क्रममा पक्राउ परेका हुन् ।
पक्राउ पर्नेमा उज्बेकिस्तानका अख्माद जानोभना दिलफुजा मारिफअलिभ, इजराइलोभना साओदत फेजिभा, गुलाम्दजानोभन उमिद अख्मेदोभ र सरदोर त्रुस्अनोभ रहेका छन् ।
मलद्वारमा लुकाएर ल्याएको ३ किलो ७४५ ग्राम सुनसहित उनीहरुलाई पक्राउ गरिएको विमानस्थल सुरक्षा कार्यालयका एसएसपी सोमेन्द्रसिंह राठौरले जानकारी दिए । उनीहरूमाथि थप अनुसन्धान भइरहेको उनले बताए ।
