प्रतिनिधिसभा बैठक बुधबारसम्मका लागि स्थगित

काठमाडौं । प्रतिनिधिसभाको बैठक बुधबारसम्मका लागि स्थगित भएको छ । आधा घण्टाका लागि स्थगित भएको बैठक दलहरूबीच सहमति नजुटेका कारण बुधबारसम्मका लागि स्थगित भएको हो । 

सभामुख देवराज घिमिरेको सचिवालयले बैठक बुधबार १ बजेसम्मका लागि स्थगित गरिएको जनाएको छ । यसअघि सोमबारको संसद् बैठक आधा घण्टाका लागि स्थगित गरिएको थियो । 

निर्धारित समयभन्दा करिब साढे १ घण्टापछि सुरु भएको संसद् केहीबेर मै आधा घण्टाका लागि स्थगित भएको थियो ।  बैठक सुरु हुनासाथ प्रतिपक्षी दलहरूले नाराबाजी गरेका कारण अगाडि बढ्न नसकेपछि सभामुख देवराज घिमिरेले आधा घण्टाका लागि स्थगित गरेका छन् ।