काठमाडौं । जसपा नेपालका मधेश प्रदेश सांसद सरोजसिंह कुशवाहा निलम्बित भएका छन् । शुक्रवार बसको मधेश प्रदेश सभा बैठकमा सभामुख रामचन्द्र मण्डलले कुशवाहाको सांसद निलम्बन भएको हाउसलाई जानकारी गराएका हुन् ।
मधेश सरकारबाट अघोषित रुपमा प्राप्त संसदीय विकास कोषको योजनाको उपभोक्ता समिति गठनको नाममा अनियमितता गरेको आरोपमा कुशवाहालाई बिहीबार काठमाडौंको अनामनगरबाट अख्तियार दुरुपयोग अनुसन्धान आयोगको टोलिले पक्राउ गरेको थियो ।
गत जेठ १२ गते उनको घरमा छापामारी गर्दै अख्तियारको टोलिले उनका स्वकीय सचिव विनोदलाल कर्णलाई नियन्त्रणमा लिएको थियो ।
