काठमाडौं । काठमाडौंबाट चितवन जाँदै गरेको माइक्रोबस नागढुंगामा दुर्घटनाग्रस्त भएको छ । बा ३ ख ८६२९ नम्बरको उक्त माइक्रोबसमा १९ जना यात्रु सवार थिए ।
जिल्ला प्रहरी परिसर, काठमाडौंका प्रवक्ता एसपी अपील राज बोहराका अनुसार, दुर्घटनामा घाइते सबै यात्रुको उद्धार गरी सशस्त्र प्रहरी अस्पतालमा उपचारका लागि पठाइएको छ । घाइतेमध्ये दुई जनाको अवस्था गम्भीर रहेको छ । दुर्घटनाको थप विवरण आउन बाँकी छ ।
