एमालेमा पदाधिकारीको सङ्ख्या घटाउन प्रस्ताव

काठमाडौं । नेकपा एमालेमा पदाधिकारी सङ्ख्या घटाउने प्रस्ताव भएको छ । नेकपा एमालेको जारी केन्द्रीय सचिवालय बैठकमा उपाध्यक्ष विष्णुप्रसाद पौडेलले विधान अधिवेशनका लागि तयार भएको विधान मस्यौदा प्रस्तुत गर्दै पदाधिकारी सङ्ख्या घटाउने प्रस्ताव गरेका हुन् ।

जसमा ११ जना मात्रै पदाधिकारी बनाउने उल्लेख गरिएको छ । नयाँ प्रस्ताव अनुसार अध्यक्ष १, उपाध्यक्ष ३ (एक वरिष्ठ उपाध्यक्षसहित), महासचिव १, उपमहासचिव १ र सचिव ५ हुनेछन् ।

अहिले एमालेमा अध्यक्ष, वरिष्ठ उपाध्यक्ष, ६ उपाध्यक्ष, महासचिव, ३ उपमहासचिव र ७ सचिव रहेका छन् ।
त्यस्तै पौडेलले केन्द्रीय कमिटीको सङ्ख्या १ सय ९९ बनाउने प्रस्ताव गरेका छन् ।