पहिरोले पुरिएर एक जनाको मृत्यु

रुकुम पश्चिम । जिल्लाको मुसीकोट नगरपालिका–१ छिङमा पहिरोले पुरिएर एकजना महिलाको मृत्यु भएको छ । आज बिहान भेँडाबाख्रा लिएर गोठालो जाँदै गरेकी तल्लो छिङकी करिब ६९ वर्षीया हिमकुमारी मल्लको पहिरोले पुरिएर घटनास्थलमै मृत्यु भएको हो ।

उनीसँगै भेँडा र बाख्रासमेत पहिरोमा पुरिएर मरेको वडाध्यक्ष ज्ञानुचन्द्र चन्दले जानकारी दिए । हिमकुमारीले आउन ढिला गरेपछि परिवारका सदस्यले खोजी गर्दै जाँदा पहिरोले पुरिएको अवस्थामा शव फेला पारेको वडाध्यक्ष चन्दले बताए ।