सभामुख र राजनीतिक दलबीच छलफल, रास्वपा अनुपस्थित

काठमाडौं । प्रतिनिधिसभा विघटनपछि पहिलोपटक सभामुख देवराज घिमिरेले संसदमा प्रतिनिधित्व गर्ने दलका तत्कालीन प्रमुख सचेतकहरुसँग छलफल गरेका छन् ।

सभामुखको कार्यकक्ष सिंहदरवारमा भएको छलफलमा विघिटित प्रतिनिधिसभाको चौथो ठूलो दल रास्वपा भने सहभागी छैन । विघटन असंवैधानिक भएकाले पुनस्र्थापनाको लागि अदालत जाने विकल्पबारे समेत बैठकमा छलफल भइरहेको छ ।

सभामुखको कार्यकक्षमा भएको छलफलमा उपसभामुख इन्दिरा राना, नेपाली कांग्रेसका श्याम घिमिरे, एमालेका महेश बर्तौला, माओवादी केन्द्रका हितराज पाण्डे, राप्रपाका ज्ञानेन्द्र शाही, नेकपा एसका राजेन्द्र पाण्डे, जसपाकी रेखा यादवलगायत ११ दलका सचेतकहरु सहभागी छन् ।