काठमाडौं । राष्ट्रिय प्रजातन्त्र पार्टी राप्रपाले जुम्ला जिल्लाका कार्यसमिति अध्यक्ष बेदबहादुर शाहीसहित चार सदस्यलाई निलम्बन गरेको छ।
पार्टीको बुधबार बसेको केन्द्रीय कार्यसमिति बैठकले अनुशासन समितिको सिफारिसअनुसार यो निर्णय गरेको हो। निलम्बनमा परेका अन्य सदस्यमा उपाध्यक्ष विमल शाही, उपाध्यक्ष कालीबहादुर महत र कर्णाली सदस्य मन्सुर सुनार समावेश छन्।
यी चारजनालाई एक वर्षका लागि निलम्बन गरिएको अध्यक्ष राजेन्द्र लिङ्देनले जानकारी दिए। उनले भने, निर्णय पार्टी अनुशासनको पालनामा आधारित रहेको हो।
पार्टीले यस कदममार्फत संगठनभित्र अनुशासन कायम राख्ने उद्देश्य राखेको छ।
