काठमाडौँ । ब्राजिलको बेलेममा नोभेम्बर १०–२१ कात्तिक २४–मङ्सिर ५ मा हुने जलवायु सम्मेलन ‘कोप–३०’ का लागि नेपालले नौ एजेण्डा प्रस्तुत गर्ने तयारी गरेको छ।
सगरमाथा संवादका निष्कर्ष ‘सगरमाथा आह्वान’ सहित नेपालले जलवायुजन्य हानिनोक्सानी, अनुकूलन, न्यूनीकरण, कार्बन वित्त, पेरिस सम्झौताको धारा ६, पारदर्शिता ढाँचा, प्रविधि हस्तान्तरण, क्षमता अभिवृद्धि, पर्वत र जलवायु न्यायका विषय उठाउनेछ।
वन तथा वातावरण मन्त्रालयले राष्ट्रिय स्थिति पत्रको मस्यौदा तयार गरी अन्तिम छलफल गरिरहेको छ। नेपालले पछिल्ला जलवायुजन्य विपद् र हानिनोक्सानीका उदाहरण प्रस्तुत गर्ने योजना बनाएको छ।
संभावित रूपमा सम्मेलनमा कृषि तथा पशुपन्छी विकास मन्त्री डा। मदनप्रसाद परियारको नेतृत्वमा नेपालको सहभागिता रहनेछ। विशेषज्ञहरूका अनुसार नेपालले हानिनोक्सानी क्षतिपूर्तिको विश्वव्यापी दबाब बढाउनुपर्ने र नीतिगत तथा प्राविधिक तयारी सँगसँगै गर्नुपर्ने सुझाव दिएका छन् ।
