काठमाडौँ । सशस्त्र प्रहरी बल, नेपालको पोशाक बर्दी लगाएर सामाजिक सञ्जालमा तस्वीर पोस्ट गर्ने २१२ जना सशस्त्र प्रहरीले विभागीय कारबाही भोगेका छन् ।
सामाजिक सञ्जाल आचारसंहिताविपरीत बर्दीको दुरुपयोग गरेको ठहरपछि उनीहरूलाई कारबाही गरिएको हो।
सशस्त्र प्रहरी बलका प्रवक्ता तथा डीआईजी मनिष थापाले शुक्रबार पत्रकार सम्मेलनमार्फत २०८० सालदेखि हालसम्म बर्दीसहितका तस्वीर सामाजिक सञ्जालमा पोस्ट गर्ने २१२ जनामाथि विभागीय कारबाही गरिएको जानकारी दिएका छन् ।
