झापा । राप्रपाका केन्द्रीय अध्यक्ष राजेन्द्रप्रसाद लिङ्देन फागुन २१ मा हुने प्रतिनिधिसभाको निर्वाचनका लागि झापा-३ बाट एकल सिफारिस भएका छन् ।
राप्रपाको झापा क्षेत्र नम्बर ३ को क्षेत्रीय समितिको विस्तारित बैठकले लिङदेनको नाम एकल सिफारिस गरेको हो ।
हल्दिबारी स्थायी घर भएका लिङ्देन २०७९ सालको प्रतिनिधिसभा सदस्य निर्वाचनमा नेपाली काँग्रेसका नेता कृष्णप्रसाद सिटौलालाई पराजित गरेका थिए । उनले २०७४ सालको निर्वाचनमा पनि सिटौलालाई नै पराजित गरेका थिए । त्यसअघि २०७० सालको निर्वाचनमा भने सिटौलाले लिङ्देनलाई पराजित गरेका थिए ।
