काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेविरूद्धको सम्पत्ति शुद्धीकरण र सङ्गठित अपराध कसुर फिर्ता लिन महान्यायाधिवक्ता सबिता भण्डारीले बुधवार गरेको निर्णय कार्यालयको वेबसाइटबाटै हटाइएको छ ।
महान्यायाधिवक्ता भण्डारीले लामिछानेविरूद्ध सम्पत्ति शुद्धीकरण र सङ्गठित अपराध कसुरको निर्णय फिर्ता लिने निर्णय गरेपछि वेबसाइटको सूचनामा ‘सहकारी ठगी सम्बन्धमा भएको निर्णय’ शीर्षकमा ‘टिप्पणी र आदेश’ उल्लेख थियो । तर उक्त फाइल शुक्रवार हटाइएको पाइएको छ ।
शुक्रवार भण्डारीले लामिछाने जोडिएको सहकारी ठगी प्रकरणमा जीबी राईसहित सबै प्रतिवादीको मुद्दा फिर्ता लिने निर्णय गरेपछि चौतर्फी आलोचना भइरहेका बेला सो फाइल हटाइएको पाइएको छ । महान्यायाधिवक्ता कार्यालयले त्रुटी सच्चाएर पुनस् अपलोड गर्ने बताएको छ ।
