काठमाडौं । अमेरिकाको पूर्वी तटमा सोमबार रेकर्ड तोड्ने हिमपात परेको छ । यसले यातायात, विद्युत् र हवाई सेवामा ठूलो अवरोध पुर्याएको छ ।
रोड आइल्याण्डको प्रोभिडेन्समा ३२.८ इन्च (८३ सेमी) भन्दा बढी हिउँ परेको छ, जसले सन् १९७८ को २८.६ इन्चको कीर्तिमान तोडेको छ । केही स्थानमा ३ फिट (३६ इन्चभन्दा बढी) सम्म हिमपात भएको छ ।
न्यूयोर्क सिटीको सेन्ट्रल पार्कमा १९ इन्चभन्दा बढी हिउँ जमेको छ । ६ लाखभन्दा बढी घरधुरी तथा व्यवसायमा बिजुली गएको छ, विशेष गरी म्यासाचुसेट्स र न्यूजर्सीमा । म्यासाचुसेट्समा ३ लाखभन्दा बढी प्रभावित छन् ।
हवाई उडानमा ठूलो असर परेको छ । फ्लाइटअवेयरका अनुसार ५,६७५ भन्दा बढी उडान रद्द भएका छन् । ला गार्डिया (९८प्रतिशत), जोन एफ केनेडी (९१प्रतिशत), लोगन, नेवार्क र फिलाडेल्फिया विमानस्थलमा अधिकांश उडान प्रभावित छन् ।रोड आइल्याण्ड, कनेक्टिकट र म्यासाचुसेट्समा गैर-आवश्यक यात्रा प्रतिबन्ध लगाइएको छ । गभर्नरहरूले घरमै बस्न आग्रह गरेका छन् । मङ्गलवार बिहानसम्म थप १–२ फिट हिउँ पर्न सक्ने अनुमान छ ।
