काठमाडौं । सरकारले आगामी आर्थिक वर्ष ०८३/०८४ का लागि बर्खे धानबालीको समर्थन मूल्य तोकेको छ । आज सोमबार बसेको मन्त्रिपरिषद बैठकले धानको समर्थन मूल्य तोक्ने निर्णय गरेको हो ।
जसअन्तर्गत मोटो धानको प्रतिक्विन्टल ३ हजार ६६० रुपैयाँ र मध्यम धानको प्रतिक्विन्टल ३ हजार ८६० रुपैयाँ समर्थन मूल्य तोक्ने निर्णय भएको सरकारका प्रवक्ता सस्मित पोखरेलले जानकारी दिए ।
‘आर्थिक वर्ष ०८३/०८४ मा वर्षे धानबालीको न्युनतम समर्थन मूल्य मोटो धानको ३६६० प्रतिक्विन्टल र मध्यम धानको ३८६० प्रतिक्विन्टल तोक्ने निर्णय भएको छ,’ उनले भने ।
