काठमाडौं । श्रम संस्कृति पार्टीका सांसद आरेन राईले प्रधानमन्त्री बालेन शाहलाई आफूले हिजो प्रश्न सोधेकोप्रति आत्मग्लानि प्रकट गरेका छन् ।
सांसद राईले हिजो सोधेको लिपुलेक लिम्पियाधुरा सम्बन्धी प्रश्नमा जवाफ दिने क्रममा प्रधानमन्त्री बालेनले विवादित जवाफ दिएका थिए । प्रधानमन्त्रीको उक्त अभिव्यक्ति रेकर्डबाट हटाएर मात्र नपुग्ने भन्दै उनले संसदमा आएर माफी माग्नुपर्ने बताए ।
उनले भने, ‘यदि यस्तो भ्रामक र तथ्यहीन जवाफ प्रधानमन्त्रीले दिनुहुन्छ भन्ने लागेको भए म त्यो प्रश्न सोध्ने थिइनँ । मलाई आत्मग्लानि भइरहेको छ ।’
आइतबार प्रश्नोत्तरमा सहभागी हुँदै प्रधानमन्त्री बालेनले नेपालले पनि भारतीय भूमि मिचेको छ भन्ने अभिव्यक्ति दिएका थिए ।
