विष्णु पौडेल पक्राउविरुद्ध बन्दी प्रत्यक्षीकरणको रिटको सुनुवाइ आज हुँदै

काठमाडौं । नेकपा एमालेका उपाध्यक्ष विष्णु पौडेलको पक्राउविरुद्ध सर्वोच्च अदालतमा दायर बन्दी प्रत्यक्षीकरणको रिट सुनुवाइ आज हुँदै छ ।

बुधवार सर्वोच्च अदालतमा पौडेलकी पत्नीले बन्दी प्रत्यक्षीकरणको रिट दायर गरेकी थिइन् । रिटमा विशेष अदालत, प्रधानमन्त्री तथा मन्त्रिपरिषद्को कार्यालय, गृह मन्त्रालय, सम्पत्ति शुद्धीकरण विभाग, जिल्ला प्रहरी कार्यालय सुर्खेतलाई विपक्षी बनाइएको छ ।

पौडेललाई विशेष अदालतले मङ्गलवार ७ दिन थुनामा राखेर अनुसन्धान गर्न अनुमति दिएको थियो । पौडेललाई सम्पत्ति शुद्धीकरण मुद्दामा सोमबार सुर्खेतबाट पक्राउ गरेको थियो ।