काठमाडौं । सरकारले हेटौँडा हुँदै त्रिभुवन राजपथ (बाइरोड) बाट अत्यावश्यक सामान ढुवानी गर्ने तयारी थालेको छ ।
धादिङको कृष्णभीरमा सडक पूर्ण भासिएपछि काठमाडौंका लागि अत्यावश्यक सामग्रीको ढुवानी प्रभावित हुने भएपछि सरकारले पेट्रोलियम पदार्थ बाइरोडको बाटोबाट ल्याउने तयारी थालेको हो।
भोटेकोशी हुँदै त्रिशुलीमा आएको बाढीका कारण मुग्लिनको बाटो ३ दिन बन्द भएर खुलेको थियो । तर, कृष्णभीरमा सडक भासिएपछि फेरि मुग्लिन–नारायणगढको बाटो बन्द भएको छ ।
उद्योग, वाणिज्य तथा आपूर्ति मन्त्रालयले अत्यावश्यक सामग्रीको ढुवानी प्रभावित हुन नदिन काम गरिरहेको छ ।
