काठमाडौं । भदौ १० गते रसुवाकमो भोटकोशी हुँदै त्रिशुलीमा आएको बाढीका कारण सरकारले यस पटकको करदाता उपहार कार्यक्रम स्थगित गरेको छ ।
चालु आर्थिक वर्ष लागेसँगै सरकारले हरेक १५/१५ दिनमा १/१ जनालाई बम्पर उपहार स्वरूप १० लाख र हरेक दिन १/१ जनालाई १ लाख दिने गरी यो कार्यक्रम सुरु गरेको थियो । सरकारले भदौ महिनाको पहिलो १५ दिनको उपहार कार्यक्रम आज स्थगित गरेको छ ।
उक्त कार्यक्रम तथा आगामी पाक्षिक अवधिको उपहार विजेता छनोट कार्यक्रम २०८३ असोज १ गते भदौ महिनाभरको खरिद बिजकको कुपनहरूको दैनिक तथा बम्पर उपहारका विजेता छनोट गरिने आन्तरिक राजस्व विभागले जनाएको छ ।
