काठमाडौं । प्रधानमन्त्री बालेन शाहले आज बस्ने प्रतिनिधि सभा बैठकलाई सम्बोधन गर्ने भएका छन् । प्रधानमन्त्री बालेनले १० भदौमा आएको विनाशकारी भोटेकोशी बाढीका सम्बन्धमा आज दिउँसो १ बजे बस्ने प्रतिनिधि सभा बैठकलाई जानकारी दिने भएका हुन् ।
सत्तारुढ रास्वपाका सचेतक प्रकाशचन्द्र परियारले प्रतिनिधि सभाको आज बस्ने बैठकमा प्रधानमन्त्री शाहले सम्बोधन गर्ने जानकारी दिए ।
१० गते बसेर अनिश्चितकालका लागि स्थगित भएको बैठक आज बस्न लागेको हो । प्रतिनिधिसभा बैठकमा भोटेकोशी बाढीका सम्बन्धमा सभामुख डीपी अर्यालले विशेष प्रस्ताव पेस गर्ने र त्यसमाथि दलका नेताहरूले धारणा राख्ने कार्यसूची रहेको छ ।
