काठमाडौं । मनास्लु हिमाल आरोहणका लागि आएका एक विदेशी नागरिकको मृत्यु भएको छ । मनास्लु आरोहणका क्रममा सिंगापुरे आरोही ५० वर्षीय लाउ वी सेङको मृत्यु भएको हो ।
उत्तरी गोरखाको चुमनुब्री गाउँपालिका–१ सामागाउँस्थित मनास्लु हिमालको दोस्रो शिविरबाट आधारशिविर फर्कने क्रममा सेङको मृत्यु भएको जिल्ला प्रहरी कार्यालयका प्रहरी नायब उपरीक्षक राजकुमार श्रेष्ठले बताए । उनी यही भदौ २२ गते मनास्लु आरोहणका लागि सामागाउँ पुगेका थिए ।
