काठमाडौं । विद्युत् महसुलमा दिइएको भ्याट फिर्ता गर्ने विषयमा अर्थमन्त्री डा। स्वर्णिम वाग्लेको नाम जोडेर गरिएको प्रचारप्रसारप्रति उनको सचिवालयले आपत्ति जनाएको छ ।
सचिवालयले अर्थमन्त्री डा। स्वर्णिम वाग्लेले उक्त विषयमा कुनै भेटघाट तथा छलफल नगरेको स्पष्ट पारेको छ ।
विद्युत् भ्याटसम्बन्धी विषयमा अर्थमन्त्रीले प्रतिनिधिसभा र राष्ट्रियसभा बैठकमा राखेको धारणाअनुसार उपभोक्तालाई राहत दिने तथा विषयलाई थप सहजीकरण गर्ने सम्बन्धमा मातहतका निकायबाट छलफल र अध्ययन भइरहेको सचिवालयले जनाएको छ ।
