काठमाडौं । अपराध अनुसन्धान कार्यालय टेकुका एसएसपी सन्तोष खड्काले पूर्वप्रधानन्यायाधीश चोलेन्द्र शम्शेर जबरालाई सुरक्षा थ्रेटपछि कार्यालयमा ल्याएर राखिएको बताएका छन् ।
गएराति अपराध अनुसन्धान कार्यालयको टोलीले जबरालाई महाराजगञ्जस्थित निवासबाट नियन्त्रणमा लिएको थियो । जबरालाई सुरक्षा थ्रेट छ भन्ने थाहा पाएपछि राति नै केही हुनसक्छ भनेर प्रहरीको कार्यालयमा ल्याएर राखिएको एसएसपी खड्काले बताएका छन् ।
अदालतबाट पक्राउ पुर्जी नलिई प्रहरीले जबरालाई नियन्त्रणमा लिएको हो । प्रहरी पक्राउ गर्न आएपछि जबराले भाइ प्रभुशम्शेरलाई फोन गरेर जानकारी गराएका थिए । प्रभुशम्शेरले जेनजीहरुबाट तपाईँलाई थ्रेट छ भन्दै प्रहरीहरूले नियन्त्रणमा लिएको बताएका छन् । जबरालाई अपराध अनुसन्धान कार्यालय टेकुमा राखिएको छ ।
