काठमाडौं । अखिल नेपाल फुटबल संघ (एन्फा)को कार्यालयमा लागेको ताला ४ महिनापछि खोलिएको छ । एन्फाका वरिष्ठ उपाध्यक्ष वीरबहादुर खड्का नेतृत्वको बहुमत सदस्यले ललितपुरस्थित सातदोबाटोस्थित कार्यालयमा लागेको ताला खोलेका हुन् ।
कार्यालय खोलेसँगै बहुमत सदस्यबीच छलफल भएको थियो । छलफलले यही कात्तिक १३ गते कार्यसहिति बैठक बोलाउने निर्णय गरेको छ ।
अध्यक्ष पंकज विक्रम नेम्वाङलाई उनीहरुले बैठक डाक्न एन्फा विधानअनुसार लिखित माग गरे पनि नडाकेपछि ताला खोलेर यो निर्णय गरिएको एक सदस्यले बताए । १३ गते बस्ने बैठकले निर्णय गेर एएफसी र फिफालाई पत्र लेख्ने उनीहरुको तयारी छ ।
