काठमाडौं । राष्ट्रिय प्रजातन्त्र पार्टी (राप्रपा)का अध्यक्ष कमल थापाले लोकतन्त्रको आवरणमा ब्रम्हलुट आरोप लगाएका छन् । । लोकतन्त्र दिवशको अवसरमा सामाजिक सञ्जालमा स्टाटस लेख्दै उनले लोकतन्त्रको नाममा ब्रम्हलुट, धर्मपरिवर्तन, सर्वसत्तावाद हावी भएको बताएका हुन् ।
अध्यक्ष थापाले सामाजिक सञ्जाल ट्विटरमा लेखेका छन्, ‘आजकै दिन राजा र आन्दोलनकारी दलहरूबिच सम्झौता भएर आन्दोलन अन्त्य भएको थियो ।’
उनले अगाडि लेखेका छन्, ‘सम्झौताअनुसार राजाले राजनीतिक दलहरूलाई सत्ता हस्तान्तरण गरे । तर, आन्दोलनकारी दलहरूले धोखा दिएर राजसंस्थालाई पाखा लगाए । अहिले लोकतन्त्रको आवरणमा ब्रम्हलुट, धर्मपरिवर्तन, सर्वसत्तावाद हावी भएको छ ।’
वैशाख ११-
२०६३साल आजकै दिन राजा र आन्दोलनकारी दलहरूबिच सम्झौता भएर आन्दोलन अन्त भएको थियो।सम्झौता अनुसार राजाले राजनीतिक दलहरूलाई सत्ता हस्तान्तरण गरे।तर,आन्दोलनकारी दलहरूले धोखा दिएर राजसंस्थालाई पाखा लगाए।
अहिले लोकतन्त्रको आवरणमा ब्रम्हलुट,धर्मपरिवर्तन,सर्वसत्तावाद हावी भएको छ— Kamal Thapa (@KTnepal) April 24, 2021