काठमाडौं । नेकपा माओवादी केन्द्रले वैकल्पिक सरकार गठनको सम्भावना सकिएको निष्कर्ष निकालेको छ । बिहीबार बसेको स्थायी समितिको बैठकले नयाँ सरकार गठनको च्याप्टर क्लोज भएको निष्कर्ष निकालेको हो ।
नेकपा एमालेको माधव नेपाल समूहले राजीनामा नदिने भएसँगै वैकल्पिक सरकार गठनको सम्भावना सकिएको बैठकले निष्कर्ष निकालेको हाे ।
यसअघि माधव समूहले राजीनामा दिने भनेपछि शेरबहादुर देउवा वैकल्पिक सरकार गठनका लागि अग्रसर भएकाे र सोही अनुसार बहुमतको सरकार गठनका लागि पार्टीले अग्रसरता लिएको भएतापनि माधव समूहले विद्रोह गर्ने आँट नगरेसँगै सरकार गठनको सम्भावना सकिएको बारे बैठकमा छलफल भएको थियो ।
