बुटवल । बुटवलमा तिनाउ नदीले खतराको तह पार गर्न लागेको भन्दै बुटवल उपमहानगरपालिकाले नदी क्षेत्रका वासिन्दालाई सतर्क रहन आग्रह गरेको छ ।
नगरप्रमुख शिवराज सुवेदीले नदीको निरीक्षण गर्दै नदी किनारका वासिन्दालाई सावधानी अपनाउन र सतर्क रहन आग्रह गरेका हुन् ।
तिनाउको जल सतह खतराको अवस्थामा पुग्न लागेकाले मातहतका सबै संयन्त्र र जिल्ला स्थित सुरक्षा निकायलाई तम्तयार रहन समेत प्रमुख सुवेदीले आग्रह गरेका छन् ।
उपमहानगरपालिकाले आफ्ना संयन्त्रलाई जोखिमपूर्ण क्षेत्रमा निरीक्षण र सूचना संकलनका लागि खटाएको पनि उनले जानकारी दिए ।
