बर्दिया । शिक्षा विकास तथा समन्वय इकाई बर्दियाको कार्यालयमा गुलेली प्रहार गरेको आरोपमा एक व्यक्ति पक्राउ परेका छन् । पक्राउ पर्नेमा गुलरिया नगरपालिका-५ का ३० वर्षीय रमेश थारू रहेका छन्।
उनले बिहीबार कार्यालयमा गुलेली प्रहार गरी झ्याल ढोका फुटाएको प्रहरीले जनाएको छ। थारूलाई गुलेली र गुलेली हान्न प्रयोग गरिने ढुंगासहित पक्राउ गरिएको जिल्ला प्रहरी कार्यालय बर्दियाले जनाएको छ।
थारूविरूद्ध सार्वजनिक हित तथा नैतिकताविरूद्धको कसुर अन्तर्गत कारबाही थालिएको प्रहरीले जनाएको छ।
