कोभिड नियन्त्रण अर्थमन्त्री शर्माको पहिलो प्राथमकिता « Drishti News – Nepalese News Portal
Logo

कोभिड नियन्त्रण अर्थमन्त्री शर्माको पहिलो प्राथमकिता


दृष्टि संवाददाता


काठमाडौं । अर्थमन्त्री जनार्दन शर्माले कोभिड नियन्त्रणलाई पहिलो प्राथमिकता दिएका छन् । उनले पदभार ग्रहणलगत्तै चार वटा फाइल सदर गरेका छन् । जसमा कोभिड नियन्त्रणलाई प्राथमिकता दिइएको छ ।

अर्थ मन्त्रालयले कोभिड खोप किन्न स्वास्थ्य तथा जनसंख्या मन्त्रालयलाई ५ अर्ब रुपैयाँ बजेट सहमति दिएको छ । जसमध्ये एउटा फाइलमा खोप खरिदका लागि स्वास्थ्य मन्त्रालयलाई बजेट सहमति भएको हो ।

मन्त्रालयका प्रवक्ता महेश आचार्यका अनुसार यसबाहेक अर्थ मन्त्रालयले यसअघि खर्चको सहमति दिएका विभिन्न संघीय, प्रादेशिक, जिल्ला र स्थानीय तह स्तरका स्वास्थ्य संस्थालाई समेत अर्थ मन्त्रालयले बजेट स्वीकृत गरेको छ । स्वास्थ्यबाट आईसीयू, एचडीयू तथा भेन्टिलेटर खरीद भई भुक्तानीका लागि माग आएको ९६ करोड १२ लाख रुपैयाँ उपलब्ध गराउने सम्बन्धी फाइल समेत सदर भएको छ ।

यस्तै, प्रादेशिक र स्थानीय अस्पतालाई यसअघि सहमति दिए अनुसार ५२ करोड ४६ लाख रुपैयाँ उपलब्ध गराउन समेत अर्थले फाइल सदर गरेको छ ।
कोभिड सम्बन्धी विभिन्न दायित्व, अस्पतालको सोधभर्ना र जोखिमभत्ता समेतका लागि संघीय स्तरका लागि ५६ करोड ४१ लाख र प्रदेश र स्थानीय तहमा जाने गरी ३७ करोड २४ लाख रुपैयाँ निकासाको फाइल समेत अर्थमन्त्री शर्माले सदर गरेका छन् ।

प्रतिक्रिया दिनुहोस्