काठमाडौं । चिनियाँ विदेशमन्त्री वाङ यिले चीनले नेपालसँगको सम्बन्धमा नयाँ प्रगति चाहाने बताएका छन् ।
उनले नेपालका नवनियुक्त परराष्ट्र मन्त्री नारायण खड्कालाई बधाई सन्देश पठाउँदै सो कुरा बताएका हुन् ।
आफ्नो बधाई सन्देशमा वाङले दुई पक्षीय सम्बन्धमा नयाँ प्रगति प्राप्त गर्नका लागि नेपाली समकक्षीसँग मिलेर काम गर्न इच्छुक रहेको पनि बताएको काठमाडौंस्थित चिनियाँ दूतावासले जनाएको छ ।
यसअघि भारतीय विदेशमन्त्री एसजयशंकरले खड्कालाई बधाई सन्देश पठाएका थिए । एसजयशंकर र खड्का बीचमा अमेरिकाको न्यूयोर्कमा भेटघाटसमेत भएको छ ।
