विराटनगर । नेपाली काङ्ग्रेस कोशी प्रदेश संसदीय दलका नेता उद्धव थापाले राजीनामा दिएका छन् ।
कोशीमा कांग्रेसका शेखर कोइराला पक्षबाट केदार कार्की मुख्यमन्त्री नियुक्त भएपछि नेता थापाले आज (शनिबार) विराटनगरमा पत्रकार सम्मेलन गरी आफ्नो पदबाट राजीनामा दिएका हुन् ।
पत्रकार सम्मेलनमा उनले नैतिकताका आधारमा दलको नेताबाट राजीनामा दिएको बताए । कोशी प्रदेशको विकसित राजनीतिक घटनाक्रम र नयाँ सरकारका कारण राजीनामा दिएको थापाले बताएका छन् ।
