कर्णाली प्रदेशसभाको छैटौँ अधिवेशन अन्त्य

काठमाडौं । कर्णाली प्रदेशसभाको छैटौँ अधिवेशन अन्त्य भएको छ । कर्णाली प्रदेश सरकारको सिफारिसमा प्रदेश प्रमुख यज्ञराज जोशीले बुधबार राति १२ बजेदेखि लागु हुनेगरि छैटौँ अधिवेशन अन्त्य गरेका हुन् ।

नेपालको संविधानको धारा, १८३ को उपधारा २ बमोजिम कर्णाली प्रदेशसभाको दोस्रो कार्यकालको चालु छैटौँ अधिवेशन अन्त्य गरिएको सभामुख नन्दा गुरुङले जानकार दिए ।

कर्णाली प्रदेश सरकारको बुधबारको मन्त्रिपरिषद् बैठकले प्रदेशसभाको दोस्रो कार्यकालको छैटौँ अधिवेशन अन्त्य गर्न प्रदेश प्रमुखसमक्ष सिफारिस गर्ने निर्णय गरेको थियो ।