बागमतीमा १० लाखभन्दा माथिका योजना अब ठेक्काबाट मात्रै

हेटौंडा । बागमती प्रदेश सरकारले १० लाख रुपैयाँ वा सोभन्दा माथिका सबै योजना ठेक्का प्रक्रियाबाट मात्र कार्यान्वयन गर्ने निर्णय गरेको छ।

प्रदेश मन्त्रिपरिषद्को बैठकले आर्थिक मामिला तथा योजना मन्त्रालयको सिफारिसमा सो नीतिगत निर्णय गरेको हो। मन्त्री प्रभात तामाङका अनुसार निर्णय तत्काल लागू हुनेछ।

यसअघि साना योजना कोटेशन वा उपभोक्ता समितिमार्फत सञ्चालन हुँदै आएका थिए। बजेटमा बिचौलियाको संलग्नता हटाउने र सञ्चिती (सामर्थ्य) बढाउने उद्देश्यले यस्तो निर्णय गरिएको मन्त्री तामाङले जानकारी दिए।