काठमाडौं । नेपाली कांग्रेस गण्डकी प्रदेशका सभापति शुक्रराज शर्माले चुनाव वैशाखमा सार्नुपर्ने प्रस्ताव राखेका छन् ।
सानेपामा जारी केन्द्रीय समिति बैठकमा उनले फागुन २१ गतेका लागि तय भएको चुनाव वैशाखमा सार्न आवश्यक रहेको बताएका हुन् । फागुन २१ मा पहाडी जिल्लामा निर्वाचन हुन नसक्ने उनको भनाइ छ ।
उनले भने, ‘वैशाख मसान्तको मितिमा निर्वाचन गर्नुपर्छ वैशाखमा गर्दा शान्ति सुरक्षाको वातावरण पनि निर्वाचन अनुकूल बनाउन सरकारले समय पाउनेछ ।’
