काठमाडौं । निर्वाचन आयोगले फागुन २१ मा सम्पन्न हुने प्रतिनिधि सभा सदस्य निर्वाचनको लागि पहिलो हुने निर्वाचित हुने निर्वाचन प्रणालीतर्फ निर्धारित मितिमा मनोनयन पत्र दर्ता गरी दर्ता कायम रहेका उम्मेदवारको वैयक्तिक विवरण सार्वजनिक गरेको छ ।
आयोगले प्रतिनिधि सभा सदस्य निर्वाचन निर्देशिका, २०८२ को दफा २२ (१) बमोजिम अनुसूची -१० अनुसार मनोनयन पत्रसँगै पेस गरेको वैयक्तिक विवरण सोही दफाको उपदफा (३) बमोजिम सार्वजनिक गरेको हो ।
आयोगले निर्वाचन प्रक्रियालाई पारदर्शी, निष्पक्ष तथा विश्वसनीय बनाउनका लागि उम्मेदवारका वैयक्तिक विवरणहरू सार्वजनिक गर्नु आवश्यक रहेको हुँदा आयोगले कानुनी व्यवस्था अनुसार सम्बन्धित सबै उम्मेदवारहरूले पेस गरेका विवरणहरू आफ्नो आधिकारिक वेबसाइटमार्फत प्रकाशन गरेको छ । यसले मतदाता, सरोकारवाला निकाय, सञ्चार माध्यम तथा आम नागरिकलाई उम्मेदवार सम्बन्धी आवश्यक जानकारी प्राप्त गर्न सहज बनाउने उद्देश्य अनुरूप उक्त वैयक्तिक विवरणहरू आयोगको आधिकारिक वेबसाइट https://result.election.gov.np मा उपलब्ध गराइएको जनाएको छ ।
