काठमाडौं । इजरायलमा विभिन्न क्षेत्रमा भएका आक्रमणपछि थप क्षतिको विवरण सार्वजनिक भएको छ ।
इजरायली रक्षा बलका अनुसार देशको मध्य भागमा आक्रमण भएको सूचनापछि उद्धार तथा राहत टोलीहरू प्रभावित क्षेत्रमा पठाइएको छ । साथै नागरिकलाई ती स्थानमा भीडभाड नगर्न आग्रह गरिएको छ ।
आपत्कालीन सेवाले सार्वजनिक गरेका तस्बिरहरूमा भवनहरूमा क्षति पुगेको र भग्नावशेषबाट धुवाँ निस्किरहेको देखिएको छ । यसअघि दक्षिणी क्षेत्रका विभिन्न स्थानमा पनि आक्रमण भएको जानकारी दिइएको थियो । सोमबार रातिदेखि इरानतर्फबाट प्रहार गरिएका क्षेप्यास्त्रबारे लगातार चेतावनी जारी गरिएको थियो । उत्तरी क्षेत्रमा पनि केही स्थानमा क्षेप्यास्त्र खसेको विवरण आएको छ ।
हाइफा नजिकको नेशर क्षेत्रमा राति एक भवनमा क्षेप्यास्त्र खसेको पुष्टि भएको छ । इजरायलको सुरक्षा निकायले नागरिकलाई जारी निर्देशन पालना गर्न र सतर्क रहन पुनः आग्रह गरेको छ ।
