१. प्रधानमन्त्री बालेनले गरे मन्त्रिपरिषद् विस्तार, गृह मन्त्रालयमा सुधन गुरुङको पुनरागमन, विज्ञान, प्रविधि तथा नवप्रवर्तन मन्त्रालयको जिम्मेवारी महावीर पुनलाई दिइयो ।
२. रास्वपा सभापति रवि लामिछानेविरुद्ध सानो पाइला सहकारी प्रकरणमा सङ्गठित अपराधको आरोप खारेज, आरोपित र पीडित पक्षबीच मिलापत्रमार्फत मुद्दा फिर्ताको बाटो खुल्यो ।
३. कार्यसूचीमै प्रवेश नगरी आज पनि प्रतिनिधिसभा बैठक स्थगित, सीमा विवादसम्बन्धी अभिव्यक्तिमा प्रधानमन्त्री बालेनले सदनमा जवाफ दिनुपर्ने विपक्षीको अडान कायमै ।
४. कांग्रेस सचेतक निश्कल राईले सहिदहरूको सम्मानमा मौन धारण गराएकोप्रति सभामुख डिपि अर्यालको आपत्ति, आफैँ समय तोकेर मौन धारण गर्नु प्रतिपक्षी बेन्चबाट सभाको अपमान भएको भनाइ ।
५. विद्युत् महसुल बक्यौता ५० अर्ब एक करोड उठाउन तत्काल उठाउन ऊर्जामन्त्री विराजभक्त श्रेष्ठको निर्देशन, केटेड–ट्रंक लाइनदेखि इन्टरनेट सेवा प्रदायकसम्मको रकम उठाउन प्राधिकरणलाई निर्देशन ।
६. लोडसेडिङ समयमा विशेष सुविधा लिएर उद्योग चलाउनेले बक्यौता तिर्नुपर्ने कुलमान घिसिङको अडान, डेडिकेटेड–ट्रङ्क लाइनको प्रिमियम महसुल कानुनबमोजिम असुल गर्न सरकारसँग माग ।
७. संसद्मा दर्ता विधेयकका १६ पृष्ठ हटाएर अर्थ मन्त्रालयले फेरबदल गरेको आरोपमा अर्थमन्त्रीको राजिनामा माग, नैतिकता र निष्पक्षताका आधारमा जिम्मेवारीबाट अलग रहनुपर्ने राप्रपा प्रमुख सचेतक खुश्बु ओलीको भनाइ ।
८. सीमासम्बन्धी विषयमा नबोले इतिहासले माफी नदिने एमाले सांसद क्षितिज थेबको भनाइ, प्रधानमन्त्रीको अभिव्यक्तिप्रति सत्तापक्ष र प्रतिपक्ष दुवै सांसदलाई बोल्न आग्रह ।
९.विद्यार्थीको जफत मोबाइल पानीमा हालेर नष्ट गर्नु कानुनविपरीत भएको शिक्षामन्त्री सस्मित पोखरेलको भनाइ, क्षतिपूर्तिसहित आवश्यक कदम चाल्न प्रदेश मन्त्रालयलाई निर्देशन ।
१०. रास्वपाको मधेस प्रदेश अधिवेशनका सबै गतिविधि अर्को सूचना नभएसम्म स्थगित, निर्वाचन प्रक्रिया, प्रतिनिधि छनोट र प्रचारप्रसारसमेत रोकियो ।
११. जेनजी आन्दोलनका क्रममा तोडफोड आरोपमा पक्राउ परेकाका अभिभावक पुगे रास्वपा कार्यालय, जेनजी आन्दोलनकै जगमा रास्वपा सरकारमा पुगेकाले न्याय दिनुपर्ने माग ।
१२. पर्यटक भिसामा युएई जाने यात्रुको राहदानीमा गैरकानुनी सर्त लेख्ने अधिकृत टोपबहादुर खत्री र विमल पौडेल हटाइए, विमानस्थल जिम्मेवारी खोस्दै उपत्यका बाहिर सरुवा ।
१३. नेपाल रेडक्रस सोसाइटीमा विशाल कुमार भण्डारीको नेतृत्वमा नौ सदस्यीय तदर्थ समिति गठन, मन्त्रिपरिषद्बाट निजामती सेवा नियमावली (१६औँ संशोधन) २०८३ स्वीकृत ।
१४. विदेशमा अध्ययनका लागी तोकिएको भन्दा ५ प्रतिशत बढी विदेशी मुद्रा राख्न सकिने, डिजिटल हस्ताक्षरद्वारा प्रमाणित गरिएका विद्युतीय कागजातलाई समेत मान्यता दिने नयाँ व्यवस्था लागू ।
१५. रोशी खोलाको बहाव बढेपछि बीपी राजमार्गमा सवारी आवागमन रोक, धुलिखेल–खुर्कोट–नेपालथोकमा गाडी होल्ड, सडकको अवस्थाबारे जानकारी लिएर मात्रै यात्रा गर्न अनुरोध ।
१६. झापादेखि काठमाडौं उपत्यकासम्म फैलियो बर्डफ्लु, बर्डफ्लु नियन्त्रण र संक्रमण फैलिन नदिन प्रभावित क्षेत्रमा सरकार ‘द्रुत कार्य टोली’ परिचालन ।
१७. सवारी साधनमा मापदण्ड विपरीतका हेडलाइट र हर्न जडान गर्नेलाई कारबाही गर्ने यातायात विभागको चेतावनी, अत्यधिक उज्यालो हेडलाइट र चर्को हर्नले दुर्घटनाको जोखिम बढेको निष्कर्ष ।
१८.‘नागढुङ्गा–सिस्नेखोला सुरुङ मार्ग’ आउँदो साउनदेखि सञ्चालन गर्ने तयारी, सुरुङ मार्ग भएर आवतजावत गर्ने गाडीसँग शुल्क उठाउन कम्पनीसँग सम्झौता भई तालिमको काम भइरहेको जानकारी ।
१९. एभरेष्ट महिला भलिबल लिगको तेस्रो संस्करण आउँदो असोजमा आयोजना हुने, प्रतियोगिता असोज ८ गतेदेखि १७ गतेसम्म त्रिपुरेश्वरमा रहेको राखेपको कभर्डहलमा सञ्चालन हुने ।
२०. र, इरान र इजरायलबीच आक्रमण रोक्ने सहमति, ट्रम्पको युद्धविराम आह्वानपछि युद्ध रोक्न सहमत भएपनि इरान र हिजबुल्लाहसँगको संघर्ष अझै समाप्त नभएको इजरायली प्रधानमन्त्रीको स्पष्टोक्ति ।
