काठमाडौं । अमेरिकी वायुसेनाले सोमबार बिहान क्यालिफोर्नियाको एडवर्ड्स एयर फोर्स बेसमा एउटा बी-५२ बम्बर विमान दुर्घटनाग्रस्त हुँदा त्यसमा सवार सबै आठ जनाको मृत्यु भएको जनाएको छ ।
अमेरिकी वायुसेनाको अनुसार विमान नियमित परीक्षण उडानमा थियो । बिहान ११:२० बजे उडान भरेको केही समयपछि विमान तल खसेको र आगलागी भएको हो ।
मृत्यु हुनेमा वायुसेनाका कर्मचारी र विमान परीक्षण विज्ञहरू पनि समावेश छन्। दुर्घटनाको कारण हाल स्पष्ट छैन। विमानको नियन्त्रण प्रणाली, इन्जिन वा परीक्षण भइरहेको उपकरणमा खराबी आएको हुन सक्ने आशङ्का गरिएको छ ।
विमानमा हतियार थिए कि थिएनन् भन्ने बारेमा अधिकारीहरूले केही बताएका छैनन् । दुर्घटनापछि एयरफिल्ड बन्द गरिएको छ र आगमन उडानहरूलाई अर्को एयरबेसमा डाइभर्ट गरिएको छ ।
