काठमाडौं । रसुवा हुँदै भोटेकोशी नदीमा आएको बाढीमा परेर मृत्यु हुनेको संख्या ७६८ जना पुगेको छ । नेपाल प्रहरीले आइतबार दिउँसो २ बजे दिएको जानकारी अनुसार ७६८ शव फेला परेका हुन् ।
प्रहरीका अनुसार सबैभन्दा धेरै २६४ शव चितवनमा फेला परेका छन् । यस्तै, पूर्वी नवलपरासीमा १९४, पश्चिम नवलपरासीमा १००, गोरखामा ५८, नुवाकोटमा ५२, धादिङमा ५०, तनहुँमा ३७ र रसुवामा १३ शव भेटिएका छन् ।
प्रहरी अनुसार हालसम्म दुई हजार ७१५ जना घाइते तथा अन्य व्यक्तिको उद्धार गरिएको छ । यस्तै, काठमाडौं उपत्यकाका विभिन्न अस्पतालबाट १६० जना घाइते उपचारपछि घर फर्किएका छन् ।
