Logo
Logo

बझाङमा भीरबाट खस्यो अटो, तीन जनाको मृत्यु


0
Shares

बझाङ । बझाङको बुङ्गल नगरपालिका-१० टुमेडामा अटो दुर्घटना हुँदा तीन जनाको मृत्यु भएको छ । दुर्घटनामा अन्य व्यक्ति पनि परेको आशङ्का गरिएको छ ।

The current image has no alternative text. The file name is: accident-4.jpg

सोमबार बिहान करिब १०: २० बजे टुमेडा गाउँबाट वडा नम्बर ११ स्थित हिड्नेगडा बजारतर्फ जाँदै गरेको नम्बर नखुलेको अटोको ब्रेक फेल भएर दुर्घटना भएको हो । अटो सडकबाट करिब ९०० मिटर तल भिरमा खसेको प्रहरीले जनाएको छ ।

अटोमा चालकसहित चारदेखि पाँच जना सवार रहेको प्रारम्भिक जानकारी छ । दुर्घटनाको खबर प्राप्त हुनासाथ प्रहरी टोली घटनास्थल पुगेर खोज तथा उद्धार कार्यमा जुटेको थियो ।

दुर्घटनामा बुङ्गल नगरपालिका–१० की करिब ३५ देखि ४० वर्षीया राजमति महरा, १५ देखि १६ वर्षीया तारा महरा र ५ देखि ६ वर्षीया डल्ली महराको मृत्यु भएको छ । उनीहरूको शव भिरको बीच भागमा फेला परेको प्रहरीले जनाएको छ ।

जिल्ला प्रहरी कार्यालय बझाङबाट प्रहरी निरीक्षक उपेन्द्र तिमिल्सैनाको नेतृत्वमा थप प्रहरी टोली घटनास्थलमा खटिएको छ । दुर्घटनामा परेका अन्य व्यक्ति तथा अटोको खोजी र उद्धार कार्य जारी रहेको रहेको प्रहरीले जनाएको छ ।

दृष्टि न्युज

तपाईंको दृष्टिकोण

यस समाचारमा आफ्नो प्रतिक्रिया दिनुहोस्

प्रतिक्रिया लेख्नुहोस्

तपाईंको इमेल सार्वजनिक गरिने छैन । प्रतिक्रिया स्वीकृत भएपछि मात्र देखिन्छ ।

0 / 2000