काठमाडौँ । वीर अस्पतालको नयाँ भवनलाई कोभिड–१९ को युनिफाइड केन्द्रीय अस्पताल बनाउने सरकारले निर्णय गरेको छ ।
अस्पतालको नयाँ भवनलाई सुरुवातमा ५ सय शय्याको युनिफाइड कोभिड–१९ अस्पताल बनाउने बालुवाटारमा बसेको मन्त्रिपरिषद् बैठकले निर्णय गरेको हो । यस अस्पतालले कोभिडविरुद्धको लडाईंमा रहेका देशभरका अस्पतालको कमान्ड गर्ने बताइएको छ ।
युनिफाइड कोभिड–१९ अस्पताल संचालनका लागि मन्त्रिपरिषद्ले ‘कोभिड–१९ केन्द्रीय अस्पताल सञ्चालन आदेश, २०७८’ समेत पास गरेको छ ।
