Logo
Logo

देश र जनविरोधी राजनीतिको मतियार नहुन राजीनामा दिएँ : भीम रावल


दृष्टि संवाददाता

189
Shares

काठमाडौं । नेकपा एमालेका नेता भीम रावलले अनैतिक र जनता विरोधि राजनीतिको मतियार बन्नुभन्दा राजीनामा उपयुक्त भएको आफूले प्रतिनिधि सभा सदस्य पदबाट राजीनामा दिएको बताएका छन् ।

आइतबार संसद् भवन नयाँ बानेश्वरमा पत्रकारहरूसमक्ष राजीनामाको वक्तव्य पढ्दै उनले उच्च राजनीतिक तहमा अनैतिक राजनीतिक गतिविधि देखिएको भन्दै आफू देश र जनविरोधी राजनीतिको मतियार नहुने बताए । अनैतिक र जनता विरोधि राजनीतिको मतियार बन्नुभन्दा राजीनामा दिन उपयुक्त ठानेको उनले बताए ।

उनले भने, ‘पछिल्लो समय प्रतिनिधि सभाको विघटनदेखि पुनःस्थापना र प्रधानमन्त्रीले विश्वासको मत लिने अवस्थासम्म आइपुग्दा उच्च राजनीतिक नेतृत्व तहमा देखिएको अनियन्त्रित र घरम अनैतिक राजनीति, स्वेच्छाचारी व्यवहार तथा देश जनता र पार्टीको हितभन्दा निजी स्वार्थ, अह, प्रतिशोधी र षड्यन्त्रकारी चरित्र एवम कार्य देख्दा देश र जनताको हितलाई सर्वोपरी सम्झने जुनसुकै नेपाली नागरिकको मनमा घृणा उत्पन्न हुन्छ,’ उनले भने, ‘यस्तो स्थितिमा अनैतिक राजनीति तथा देश र जनताविरोधी राजनीतिक अभ्यासको मतियार हुनुभन्दा त्यसबाट अलग हुनु श्रेयष्कर भएकोले उक्त प्रकारको दुषित खेलबाट आफूलाई अलग गर्दै प्रतिनिधि सभाको सदस्य पदबाट राजीनामा दिएको छु ।’

दृष्टि न्युज

तपाईंको दृष्टिकोण

यस समाचारमा आफ्नो प्रतिक्रिया दिनुहोस्

प्रतिक्रिया लेख्नुहोस्

तपाईंको इमेल सार्वजनिक गरिने छैन । प्रतिक्रिया स्वीकृत भएपछि मात्र देखिन्छ ।

0 / 2000