काठमाडौं ।
पाल कम्युनिष्ट पार्टी (नेकपा) का शीर्ष नेताहरु गोप्य वार्ताका लागि बिहीबार बेलुकादेखि चन्द्रागिरी पुगेका छन् ।
चन्द्रागिरीमा रहेको रिसोर्टमा प्रधानमन्त्री केपी शर्मा ओली, नेकपाका अध्यक्ष पुष्पकमल दाहाल प्रचण्ड, महासचिव विष्णु पौडेल, गृहमन्त्री रामबहादुर थापा बादललगायतका नेताहरु बिहीबार बेलुका त्यहाँ पुगेका थिए ।
र्टी एकता, सरकार सञ्चालनलगायतका विषयमा कुराकानीका लागि उनीहरु त्यहाँ पुगेको स्रोतले जानकारी दियो । नेता पौडेल बिहीबार दिउँसो नै त्यहाँ पुगेका थिए भने दाहाल ४ बजे पुगेका थिए । गृहमन्त्री थापा साढे ४ बजे र प्रधानमन्त्री ओली सवा ५ बजे चन्द्रागिरी पुगेका थिए ।
स्रोतका अनुसार प्रचण्ड अघिल्लो साता पनि परिवारसहित पुगेका थिए । ‘मन्त्री फेरबदल गर्ने कुरा पनि पहिलेदेखि नै चलेको थियो’, स्रोतले भन्यो, ‘पार्टी एकताको टुंगो नलाग्दा पार्टीभित्रै विवाद बढेको छ ।’ आजको नागरिक दैनिकमा समाचार छापिएको छ ।
