हाइटीमा भूकम्पः तीन सय बढीको मृत्यु, १८ सय घाइते « Drishti News – Nepalese News Portal
Logo

हाइटीमा भूकम्पः तीन सय बढीको मृत्यु, १८ सय घाइते

एक महिने आपतकाल घोषणा


दृष्टि संवाददाता


काठमाडौं । हाइटीमा शक्तिशाली भूकम्प जाँदा ३०४ जनाको मृत्यु भएको छ ।

स्थानीय समय अनुसार शनिबार बिहान हाइटीमा ७।२ म्याग्निच्युटको भूकम्प गएको थियो । भुकम्पका कारण १८ सयजना घाइते भएको बीबीसीले जनाएको छ ।

भूकम्पबाट व्यापक क्षति पुगेको भन्दै त्यहाँका प्रधानमन्त्रीले एक महिने आपतकाल घोषणा गरेका छन् । भूकम्पबाट मानिसहरुका घर, चर्च, होटेल लगायतका संरचनाहरु भत्किएका छन् ।

यसको इपिसेन्टर सेन्ट-लुइस दुसुद भन्ने स्थानभन्दा १२ किलोमिटर टाढा रहेको अमेरिकन जिओलोजिकल सर्भेले जनाएको छ । भूकम्पको धक्का करिब १२५ किलोमिटर टाढा रहेको राजधानी पोर्ट ओ प्रिन्समा र छिमेकी देशहरुमा पनि महसुस गरिएको थियो ।

बीबीसीका अनुसार सन् २०१० मा गएको विनाशकारी भूकम्पबाट तंग्रिदै गएको बेला हाइटी फेरि अर्को भूकम्पको मारमा परेको छ ।

अमेरिकी राष्ट्रपति जो बाइडनले भूकम्पबाट प्रभावित हाइटीमा तत्काल राहत सहयोग गर्न यूएसआइडीलाई भनेका छन् ।

प्रतिक्रिया दिनुहोस्