काठमाडौं । बैंकिङ कसूर मुद्दामा दोषी ठहर भइ फरार रहेकी एक महिलालाई प्रहरीले पक्राउ गरेको छ ।
कैलालीको गौरीगंगा नगरपालिका–३ घर भइ काठमाडौंको गहनापोखरी बस्दै आएकी ३२ वर्षीय जसमिन झालाई महानगरीय प्रहरी अपराध महाशाखाको टोलीले पक्राउ गरेको हो ।
उच्च अदालत पाटनले बैकिङ कसूर मुद्दामा उनलाई गत फागुन ११ गते १६ लाख जरिवाना र ७ दिन कैद सजाय सुनाएको थियो।
पक्राउ परेकी झालाई फैसला कार्यान्वयनका लागि जिल्ला अदालत काठमाडौं पठाइएको महाशाखाले जानकारी दिएको छ।
