Logo

राष्ट्रपति सीको चासोमा सुखी नेपाली समृद्ध नेपाल


रमेश घिमिरे (स्वतन्त्र पत्रकार)


रमेश घिमिरे (स्वतन्त्र पत्रकार)

संघीय गणतन्त्र नेपाल स्थापनाको एक दशकपछि नेपालका राष्ट्रपति विद्यादेवी भण्डारीको उत्तरी छिमेकी जनवादी जनगणतन्त्र चीनको राजकीय यात्राको साइत जुरेको छ ।

यतिखेर, नेपालका राष्ट्रपति भण्डारी चिनियाँ राष्ट्रपति सी जिनपिङको निमन्त्रणामा नौ दिने राजकीय भ्रमणमा चीनमा छिन् । चिनियाँ राष्ट्रपति सीको महत्वाकांक्षी योजना ‘विश्वका सबै जनता समृद्ध हुने र सबैले जित्ने ‘विन विन’ ‘वान बेल्ट वान रोड इनिसियटिभ’को दोस्रो वार्षिक सम्मेलनको मौका पारेर चिनियाँ राष्ट्रपति सीले नेपालका राष्ट्रपति भण्डारीलाई राजकीय भ्रमणको निम्तो दिएका हुन् ।

गत शनिबार बेइजिङमा सम्पन्न भएको सम्मेलनलाई ‘सेकेण्ड बेल एण्ड रोड फोरम फर इन्टरनेशनल को–अपरेशन’ अर्थात् ‘अन्तर्राष्ट्रिय सहयोगको लागि एक पेटी एक मार्ग मञ्च’ नाम दिइएको छ । यस सम्मेलनमा रुसका राष्ट्रपति ब्लादिमीर पुटिनलगायत सैंतीस राष्ट्रका राष्ट्राध्यक्ष तथा सरकार प्रमुखहरुको सहभागिता छ । साथै, विश्वभरिबाट छानिएका पाँच हजार जनाभन्दा बढी सहभागीहरुको यस सम्मेलनमा छिमेकी नेपालप्रति उच्च चासो छ । किनभने, नेपालले दुई वर्षअघि नै मे १२, २०१७ मा काठमाडौँमा बिआरआई फ्रेमवर्कमा परराष्ट्र सचिव शंकरदास बैरागी र चिनियाँ राजदूत यु होङबीच सम्झौताा हस्ताक्षर भएको थियो । बिआरआई फ्रेमवर्कमा हस्ताक्षर गरेको दुई वर्ष बितिसक्दा पनि नेपालको तर्फबाट उच्च मनोबलका साथ ठोस रुपमा आधारभूत संरचना विकासका परियोजना प्रस्तुत गर्न सकेको थिएन । बेइजिङमा शीर्ष नेताहरुको गोलमेच बैठकसत्रमा राष्ट्रपति सीको भाषणमा ‘हिमालयपार बहुआयामिक कनेक्टिभिटी विकास’ र ‘समृद्ध नेपाल, सुखी नेपाली’को लक्ष्यमा पुग्न नेपाललाई समर्थन गर्ने प्रतिबद्धता भएबाट नेपाल चीनको प्रमुखतामा भएको प्रकट हुन्छ । उपरोक्त कुरा परराष्ट्रन्त्री प्रदीपकुमार ज्ञवालीले आफ्नो ट्वीटमार्फत जानकारी गराएका छन् ।

यसबाट के स्पष्ट हुन्छ भने, हामी नेपाल यो वा त्यो कारणले किन मित्रराष्ट्र चीनको सद्भाव हुँदाहुँदै चीनसँग सहयोग लिन हिच्किचाइरहेका छौँ ? चीनलाई स्पष्ट रुपमा के थाहा छ भने १५ खर्ब बजेट भएको मुलुक नेपालले काठमाडौँ–केरुङ रेलमार्गको लागि २ खर्बको भार बोक्न सक्दैन । तर हाम्रो सोचाइ कस्तो छ भने सबै कुरा अरुले गर्दियोस् र हामी त्यसको उपयोग मात्र गर्ने भन्नेछ । यो सोचबाट हामी मुक्त हुनुपर्दछ । विगतमा चीन सरकारले उपहारस्वरुप दिएका काठमाडौँ–भक्तपुर ट्रलीबस, बाँसबारी जुत्ता कारखाना, हेटौँडा कपडा उद्योग आदि हामीले बेचेर खाएका हुनाले चीनले परियोजनाहरुमा नेपालको पनि सहभागिता हुनुपर्छ भनेको हुनुपर्दछ । आपत विपत परेको बेलाा मात्र छिमेकीलाई सम्झने नीतिलाई परित्याग गरी छिमेकीहरुसँग एकनासको सम्बन्ध कायम राखी मुलुकलाई समृद्धितर्फ लैजानु नै सबभन्दा उपयुक्त बाटो हो ।

चिनियाँ राष्ट्रपति सीले ‘समृद्ध नेपाल, सुखी नेपाली’ जुन सहयोगको प्रतिबद्धता व्यक्त गरेका छन्, त्यो भावना र मर्मलाई आत्मसात गरी प्रधानमन्त्री केपी शर्मा ओली अघि बढेमा मात्र मुलुक समृद्धितर्फ अघि बढ्नेछ । प्रधानमन्त्री ओलीले विगतमा चीनसँग गरेका यातायात पारवहन सन्धिमा हस्ताक्षर हुनु नेपालको लागि खुशीको कुरा हो । यसबाट हामी एउटाको मात्र भर पर्नुपर्ने बाध्यता अन्त्य भएको छ । चीनसँग भएका अन्य सहमतिलाई पनि चाँडै सम्झौतामा पु¥याउन सके सुखी नेपाली समृद्ध नेपाल हाम्रै पालामा सम्भव छ ।

[email protected]

प्रतिक्रिया दिनुहोस्