काठमाडौं । नेकपा एमालेले १०औं महाधिवेशनमा प्रधानमन्त्री शेरबहादुर देउवालाई निम्तो दिएको छ ।
शुक्रबार एमाले नेता सुवास नेम्वाङ र राजन भट्टराईले प्रधानमन्त्रीको निवास बालुवाटार पुगेर देउवालाई महाधिवेशनमा अतिथिका रूपमा निम्तो दिएका हुन् ।
प्रधानमन्त्री देउवाले निम्तोलाई स्वीकार गर्दै एमालेको १०औं महाधिवेशनको उद्घाटन सत्रमा सहभागि हुने बताए ।
देउवाले महाधिवेशनका लागि शुभकामना दिएको नेम्वाङले बताए । एमालेको १० औं महाधिवेशन मंसिर १०–१२ गते चितवनमा हुँदैछ ।